引用:
原帖由 nostalgia 於 19-3-2008 18:29 發表 
以前在學校常常都用交叉形擊拳.
早十幾年, 無線仲未做疾風鐵拳霸, Exam連載緊"行運超人". 有兩個超人決戰既時間出現交叉迎擊拳, 嘉賓評述員格斗博士即刻大叫, "呢招咪失傳多年既交叉迎擊拳!"
較年青既評述員問番格斗博士 : "博士, 乜有D咁既招數既咩?"
格斗博士 : "冇番咁上下年資既格斗迷係唔會知呢招架, 呢招係創自傳說中既拳擊手鐵拳浪子!"
年青評述員 : "嘩, 唔知我有冇機會欣賞到呢個傳說中既拳擊手既拳術呢?"
格斗博士(眼有淚光) : "冇....因為佢最後死係擂台上....."
當年我睇到呢幕真係笑左出黎, 亦都好感激翻譯既Exam有高人識得用番"交叉迎擊拳"/"鐵拳浪子" 呢兩個term!
同我一齊追"行運超人"既同事完全唔明呢幕有幾好笑. 佢地太後生, 未睇過鐵拳浪子, 疾風鐵拳霸又未做, 梗唔知啦.
