等左呢個 post 好耐啦.....唔該 Celia 整左個版面咁靚既 Post...
!
一口氣睇晒幾版回覆, 一條'欄' 係屋企係咁笑 
...睇得好愉快....
丫 999 你呢個等人想像空間經驗 都發生係豆豆身上不下數十次..
咁我又講下自己對呢個 K-day 既心情先....
咁我個日係六點鐘已經去到銅鑼灣, 咁一路行走一路諗, 丫豆丫豆....千其唔好唱得咁差丫..唔好咁失禮人丫 ....
咁行行下就見到間'莎莎', 就諗起'些些'個兩支香水, 咁就拿拿林入去聞下先, 之後就再同'些些'講下自己既感覺, 點知兩支都無! @~@!!
既然入左去無理由咁蝕底, 我一定要聞過下先肯走架勒! 咁就聞左 '些些' 買個隻牌子其下另外兩隻香水, 大至上既 '士大佬' 咁.... 結論係..'好 sweet! 睡覺前噴更正添!
咁我大約六點廿分到, 就去到 CEO 留下, 匆匆上去, 諗住襯親無乜人..開下先啦...
一去到就見到兩個人....
Ar_woo ... 我要抬起頭望佢, ...嗯...高我成截....
坐翻低打招呼我會好過少少....(joking^^) 丫胡好高...都幾有型添! 把聲好好聽, 好入咪.
就係因為個日佢唱左好多中村雅俊既歌, 咁丫豆次日就係 youtube search 一下 中村雅俊 d video, 因為唔係好熟悉, (該年代我比較知 近藤...西城 同 明菜..)
一看...嗯...就被呢個 中村雅俊 吸引住.....色心起添.....
另一個人就係...999
我係呢到日子好淺..都唔知到 999 係好多人心目中係一個 '老人牌'..^@^!!
所以我見到佢無乜突然, 一個後生仔囉! 好斯文囉! 官仔骨骨咁囉!
丫豆都未坐得穩, 都未諗下唱邊首歌熱下身, 壯下擔....咁就即刻同丫 999 合唱左 再見 Puppy Love ...真係考起我喇...
至於唱成點...(你地真係對我好保留, 呢首歌 同 仍然記得個一次, 我覺得自己唱到 '岩岩蠶蠶' 咁.. 算啦! 過左去都唔好提喇! ^@^!!)
之後就係 wwl36
因為同你距離好遠下, (間房好大...其實可以坐十幾人)
不過你唱既歌我都喜歡聽...
你比我感覺好似一個 '銀行經理'.....^_^!!
跟住 Celia o黎了...
Celia 好施文, 好靜, 好隨和....
不過好難好難先叫得到佢唱歌, 仲係只得一首添...
(其實我好想同你合唱下 小鳳 姐d歌....嘻嘻...不過唔好意思開口..^_^!!)
跟住 超人兄弟 黎了
多謝你比左張有心思既卡片我地, 好卡通. 好得意!
分享下八十年代歌手...蔡楓華丫..等當年事件, 幾 funny...
整晚...豆豆就好似...唔係好似..係直情...整晚拿住咪..唱得最多歌 o個 個 (其實幾尷尬...) 不過我真係好少去 Karaoke 個螢光幕係整晚唔超過五首歌排隊的...通常十幾廿首的...
咁我個日唱得就...好麻麻....但盡量盡量咁...
嗯..十二點幾了...
過晒訓覺時間添...
睡魔急 Call 了....
明天再談!
Goodnight!
