太陽報
網上賭丁蟹效應 股市冧有錢執
秋官唔信邪買恆指升：賠鬼死佢！
鄭少秋（秋官）新劇《御用閒人》下周一首播，「丁蟹效應」是否靈驗惹人關注，還吸引網上博彩公司破天荒為秋官開賭盤，若《御》劇播出後，「丁蟹效應」再現股市大冧，賠率高達四倍。
秋官的「丁蟹效應」深入民心，十三年前他在《大時代》中飾演股壇大鱷丁蟹後，每逢有新劇推出，股市例必下挫，最厲害一次是九七年的《江湖奇俠傳》一出，恒生指數跌穿一萬點！難怪連財經分析員也加入分析「丁蟹效應」。雖說秋官近年的劇集播出時，股市偶有升幅，但「丁蟹效應」依然令股民擔心。下周一秋官的《御用閒人》首播出街，股市的未來走勢不但股民關心，網上博彩公司也破天荒就此開出「丁蟹效應」賭盤。
盤口以新劇播出翌日，即三月十五日收市恒生指數為準。博彩公司共開出三個盤：恒指收市在13,601至13,999點之間，賠率為1.67倍；恒指升市達14,000點以上，賠率為3倍；若然大冧市跌至13,600點以下，賠率為4倍。據網上博彩公司易勝博發言人宋小姐表示，今次開盤主要看中秋官在華人市場的知名度，因老、中、嫩三代觀眾都識秋官，加上每次「丁蟹效應」所造成股市特別現象，故開盤娛樂一下。
不滿影響力被睇小
昨日秋官得悉「丁蟹效應」賭盤，他笑言昨日恒指為13,941點，賭盤只得幾百點上落，太睇小其影響力：「豈有此理！賠鬼死佢先！（咁你想個市升定跌？）個人希望佢升過萬四點，升市大家都好，賠都係博彩公司賠。」問秋官會否趁機買賣股票？他說：「我唔會炒股票，只會買實力股作長線投資。（會唔會上網賭呢個盤？）既然個盤用我個名，我會留意，但唔會買。（驚老婆鬧？）係我細膽啫，唔關老婆事！」 至於《御用閒人》的同劇演員卻個個不信邪，深信秋官不會整冧市，魏駿傑說：「之前秋官套劇《非常外父》都冇冧市啦，我唔信『丁蟹效應』，到《御用閒人》播出時，大家就知套劇好好笑，掛住睇電視都唔得閒入市喇！」不過問魏駿傑會買升還是跌，他卻竟然買跌：「股市跌，收視升嘛！因為股市跌刋人就得閒睇電視。」楊怡在戲中與秋官有不少對手戲，她唔信邪會買囱指大升，她說：「我會撐秋官買個市升，唔信有丁蟹效應。」
東方日報
丁蟹效應博彩公司網上開盤
鄭 少 秋 主 演 的 《 御 用 閒 人 》 將 於 三 月 十 四 日 （ 下 周 一 ） 首 播 ， 根 據 過 往 紀 錄 ， 每 逢 秋 官 有 劇 集 推 出 ， 香 港 股 市 都 總 會 應 聲 下 挫 ， 為 此 有 網 上 博 彩 活 動 公 司 特 別 為 「 丁 蟹 效 應 」 開 出 盤 口 ， 看 看 「 丁 蟹 」 是 否 真 能 令 香 港 股 市 大 跌 。
昨 日 香 港 恒 生 指 數 收 市 報 13,941 點 ， 上 升 59 點 ， 博 彩 公 司 開 出 的 盤 口 則 有 三 個 選 擇 ， 以 三 月 十 五 日 單 一 日 指 收 市 點 數 為 結 果 ， 初 盤 開 出 指 以 13,601 － 13,999 點 收 市 賠 1.67 倍 ， 14,000 點 以 上 收 市 賠 率 為 三 倍 ， 而 13,600 點 以 下 收 市 的 賠 率 則 4 倍 。 而 博 彩 公 司 發 言 人 宋 小 姐 表 示 ， 秋 官 的 劇 集 出 街 都 令 股 市 突 變 ， 而 且 在 華 人 社 會 中 有 不 少 老 中 青 的 擁 躉 ， 故 首 次 為 「 丁 蟹 」 開 盤 。
預 測 升 市 大 家 好
當 事 人 秋 官 對 於 被 「 擺 上 網 」 賭 博 ， 了 解 過 賭 盤 後 笑 言 ： 「 咦 ， 賠 1.67 倍 個 盤 口 即 係 我 對 個 市 咪 毫 無 影 響 ？ 咁 太 睇 小 我 喇 ， 豈 有 此 佢 ， 賠 死 佢 呀 ， （ 咁 你 認 為 會 升 定 跌 ？ ） 升 ， 大 家 好 ， 市 民 又 好 ， 賠 錢 係 佢 事 之 嘛 。 」 其 實 秋 官 一 向 買 有 實 力 的 股 票 作 投 資 ， 所 以 開 盤 也 不 會 令 他 特 別 買 入 或 沽 出 股 票 ， 亦 不 會 在 網 上 投 注 ， 但 會 留 意 情 況 。
而 同 劇 的 魏 駿 傑 、 楊 怡 當 然 力 撐 秋 官 ， 傑 仔 說 ： 「 之 前 秋 官 《 非 常 外 父 》 出 街 都 冇 事 呀 ， 我 唔 信 呢 ， 不 過 我 都 估 會 大 市 ， 人 冇 心 機 咪 多 人 留 屋 企 睇 電 視 ， 我 收 視 咪 好 囉 。 」
另 外 ， 已 轉 到 財 經 界 發 展 的 陳 慧 儀 表 示 ， 上 周 指 共 下 跌 四 百 幾 點 ， 當 時 《 御 用 閒 人 》 已 播 映 預 告 片 ， 但 她 相 信 反 而 劇 集 出 街 ， 股 市 會 上 升 ， 主 要 因 為 近 日 會 有 行 政 長 官 去 留 問 題 的 重 要 宣 布 。
明報
鄭少秋懶理變動
「馬照跑 舞照跳 電視繼續睇」
700 萬 人 的 「 今 天 」 是 定 局 ， 傳 董 特 首 辭 職 、 繼 任 人 選 公 布 ， 700 萬 人 的 「 明 日 之 後 」 還 是 令 人 期 待 。 鄭 少 秋 身 為 700 萬 人 的 一 分 子 ， 堅 持 香 港 精 神 ， 他 笑 說 ﹕ 「 馬 照 跑 ， 舞 照 跳 ， 最 緊 要 電 視 繼 續 睇 … … 」 秋 官 主 演 的 劇 集 《 御 用 閒 人 》 下 周 登 場 ， 他 未 擔 心 香 港 觀 眾 為 了 政 府 的 變 動 而 影 響 對 電 視 娛 樂 的 需 求 。
秋 官 說 ﹕ 「 初 時 我 都 有 少 少 驚 ， 好 似 前 景 不 明 朗 ， 大 家 會 無 心 機 睇 電 視 。 不 過 ， 我 接 到 最 新 消 息 ， 網 上 博 彩 公 司 已 開 盤 ， 賭 《 御 》 劇 推 出 時 股 市 升 或 跌 ， 信 心 返 晒 嚟 。 政 治 與 娛 樂 是 兩 回 事 ， 馬 照 跑 、 舞 照 跳 ， 電 視 繼 續 睇 ﹗ 」
問 秋 官 董 特 首 辭 職 傳 聞 。 他 說 ﹕ 「 我 唔 識 話 支 唔 支 持 ， 作 為 一 個 香 港 市 民 ， 將 回 歸 前 後 作 比 較 。 以 前 英 國 人 管 治 ， Say Yes 沒 有 敢 話 No 。 這 樣 也 有 人 會 覺 得 好 。 回 歸 了 ， 現 在 個 個 有 自 由 發 表 意 見 權 利 ， 大 家 很 多 不 滿 ， 不 吐 不 快 。 有 沒 有 體 諒 政 府 的 難 處 ﹖ 」 秋 官 對 董 特 首 的 印 象 是 很 有 風 度 的 長 者 ， 至 於 他 作 為 行 政 長 官 的 成 績 ， 他 不 了 解 亦 沒 有 意 見 。 他 說 ﹕ 「 我 見 佢 都 好 陰 功 ， 香 港 回 歸 交 接 ， 又 有 世 界 大 時 代 的 轉 變 ， 他 的 工 作 也 不 容 易 。 」 對 於 曾 司 長 ﹖ 秋 官 稱 相 信 對 方 是 一 位 作 風 平 穩 的 領 導 人 。
