K-Buffet

出席既成員有ar_woo,東加豆,999,wwl36,celia,超人兄弟,現由我向大家作一個簡短既報告

當日懷著戰驚同興奮既心情出發 經過左穿右插既街道,風吹食塵既煎熬,幾經辛苦我總於可以順利到達 

我到達既時間大約係6:30pm後,原來大家幾乎都到齊了,ar_woo,東加豆,999,wwl36,跟住就係我,稍後有超人兄弟

真係聞名不如見面,東加豆唱歌真係拍得住D歌星,現場唱一樣咁掂,好似零瑕疵咁

一開聲完全同D歌二合為一,如果有機會既話大家真係一定要去聽下

999原來唔只講笑得,唱歌都難唔到佢,仲有原來佢好後生,廿令歲仔
不過999有事要走先,咁就弊la,如果之後有D咩突發事件都打唔到999

之後都唔知幾多點la,超人兄弟都黎埋,仲送左佢親手畫既卡名,同佢見過面既都有呢個榮幸
超人兄弟佢有首飲歌,嘩飲歌即係飲歌,果然唱得特別好聽 

Shiawase,inabottle,下次會唔會到您地?

 ..我下次唔可以再錯失機會呀~~

仲有唱其他中村既歌,真係熟晒架佢 有D驚訝佢把聲原來都好似中村雅俊,好似中村雅俊黎左咁  

REALLY???勁！

一定唔好錯過呀

Really ar！！！真係好掂呀佢唱中村雅俊D歌！有機會叫佢唱比您聽

多謝矢作省吾

如果您係HK我諗您都會去

多謝celia 幫手出帖! ar_woo 一直想好好報導一下, 但因打字(手寫板)(同埋本人)速度極度缓慢.... 唔該晒celia! 遲D我再補充一D細節吧!

要行開一陣,各位 bye bye !

唔洗客氣ar_woo

您既功勞仲大呢~連日黎既內外聯繫及安排,都辛苦晒

好呀遲下等您補充細節,bye bye 先

那一個晚上約定了6:00,其實嗰日我５點半就到左,唔知係咩心態,因要早退所以早到?

坐o向lobby等......再坐一會....懷着信心,無言地等....for me這可能是個幾十分鈡的聚会...鬼叫自已有事咩....如果大家知我苦衷或者唔会怪我卦!?

心又諗下今夜D 老餅会不会來?..突然有個頭髮亂了,身高脚長的人走來,唔通係ar_.......忽然D位兄台神奇地去担把梯出來...原來佢係來整lobby嘅大電视的技工....

不久又見了一個高妹來櫃枱,唔通係Miss C……

又過一陣,背後有個10幾歲的大男孩回頭叫左一聲:阿媽得未呀,快D la!...唔通阿誠帶埋伯母來?

唔知大家有冇類似呢D等人經驗 ....心諗應該每人心口別朵花好認D….唔使斷估 ffice src="./images/smilies/shocked.gif" border=0 smilieid="6">ffice" />

六時十分, 倚窗看門外暗燈,因為還要做風中趕路人,雖知ar_woo係有心人,唔会放飛機,但都撥了一通電話給他,問下佢此刻你在何處?

電話另一端,發出了充滿磁性的聲音說:啱啱入左嚟……..我也看到一個高人,一個高大如中村雅俊,卻彬彬有礼的男仕…..這就是ar_woo兄了,心諗:唔.......至少還有你! ........................

哈哈哈!celia你先至係最識講笑o果位..........

咁又係o既,你地先得果十零廿歲,咁我梗係只有廿令歲仔la!!

今朝睇完D個帖,心情不錯啊!! 

o果個'令'字今日我才知它的意思!

ar_woo兄辦活動真係好有誠意,

在此再一次多謝ar_woo兄的努力!!

仲有celia發D個帖亦好有心思,又有背景,與主題吻合. Thank you!!

wa, 原來果日令999兄久等, sorry sorry...

其实果日5:40pm 已去到CWB, 但因為想呢個盛会有"圖文並茂"的報告, ar_woo专登走去附近的電器店買部 hard-disk video camera... 點知個售貨員極仔細講解之后, 竟然响倉搵唔到貨, 要去第二個倉度揾... 所以搞到 ar_woo 6:10pm 先奔跑去糖街, sorrry! 你見我果日拎住一大袋嘢就係果camera仲有脚架... 但最後都冇用到... 因为唔見间K房有電掣插蘇(新電池係冇乜電的), 同埋唔知大家会唔会介意錄影...

言歸正傳, 6:15pm 左右入到大堂辦理取房手續, 突然電话响, 係999兄(第一次聽到佢把聲, 唔係想像中的亞伯聲 ), 問我到咗未, 我話到咗, 佢話都到咗, 冇幾耐大堂走進999真身... 咁話說ar_woo心中一向對999的型像係咁樣猜測的: 999兄應该係一個半退休狀態, 白髮蒼蒼, 仙風道骨, 看破紅塵的白眉長鬚老道士, 又時不時會教下D後輩做人道理... 至於真相係點? 等ar_woo 食完飯返黎再繼續報告

(以上已經打咗近40分钟呀  個手写板成日出錯字 )

當日要OT抽唔到身出黎.希望下次有機會同大家聚吓

No sorry la,係我唔準時o者,老人家係咁o架la,手腳慢咪早D到囉!

原來果日你拎住一大袋嘢就係果D camera仲有脚架...真係辛苦你了!

繼續..

ar_woo 回頭一看, 眼前的999竟是一位年少英俊, 官仔骨骨, (以外貌看)27,8歲左右的斯文年青人, 完全冇老道士/老差骨 feel  (亦曾經有人(某資深oldcake 會員)懷疑過999係某位60年代退休華探長 ) 握手寒喧后去到K房, 我依然懷疑, 眼前的其实是否999個仔 (888) ? 后嚟999兄問我生肖屬乜, 知道後就話佢年纪大过我, ar_woo至今仍然疑惑,佢係咪計少咗我12歲?

咁由于999兄只能逗留半小時, 我就叫佢點歌唱下先, 999兄點咗人在旅途灑淚時等等, 佢唱歌都幾好聽架! 冇耐東加豆亦出現, 始終女仔, 好似有D怕醜, 唱得好好聽, 但可能比較起佢一個人錄音時, 來得拘謹少少, 隻手一路插响袋度 (咁樣会唔会對運起氣黎有D影响) 佢話平時錄音会比較大動作D.. Anyway, 始終之前大家素未謀面, 一個女仔赴約, 唔多唔少可能有d擔心, 我都要再次多謝亞豆 & CELIA 的賞面出席和信任! 東加豆唱咗吾少佢的飲歌如再見 Puppy love, 花花宇宙, 仍然記得果一次, etc, etc, 高度原音, 正式係繞樑三日!

之後wwl36 同 celia 亦駕到, 超人兄弟則較後到, 大家食嘢唱K, 言談甚歡, celia 只唱咗一隻歌, 不過佢把聲就好少女聲線, 唱得好好聽. wwl36 同超人兄弟亦係中氣十足, 唱得之人, 原來佢地都知道唔少中村雅俊D歌!

至到10點幾, 由於大家都要早D返屋企抖, 就叫埋單, 此時ar_woo終於露出真面目同唱K飯局的真正目的 , 就係ar_woo 中意不停咁點 恋人も濡れる街角 唱 (所以先去呢間 CEO Neway, 第間係唔會有D咁oldcake的歌 ), 趁等埋單時, 汁都撈埋, 唱咗第3,4次, 咁之後大家就閃晒, 番屋企嘔咗几日先至嘔清  報告完

So how many hours did you guys sing? (唔知幾多個鐘 K 先夠喉呢?  ~ especially with people like you guys who could sing so well )

Next time when I go back to HK, 小些些都好想同你地唱個痛快

睇你地都玩得好開心, 希望下次我工作上唔會再妨礙我出席就好了.