雪山飛狐 呂良偉版

多唔多人睇過??

"四哥"lee個"苗人鳳"都演得幾ok

而"呂良偉"呢....."胡一刀"&"胡斐" , 都系佢做晒

http://www.youtube.com/watch?v=ZFMLS67qdR0

呢套小說係同<書劍恩仇錄>cross over 既, 當中有唔少<紅花會>當家出場.

再出幾個角色, 睇下有無人記得邊D演員做??

      胡一刀 & 胡 斐                       呂良偉

      苗人鳳                                   四哥

 (1)  袁紫衣                              (2006版本 朱茵 所扮演既角色)

 (2)  程靈素                              (2006版本 阿嬌 所扮演既角色)  

 (3)  平 四                                (胡斐 的忠心僕人)

 (4)  田歸農                              ("天龍門" 楂fit人)

 (5)  鳳天南                              (強搶民女的 土豪劣紳)

 (6)  湯   沛                              (甘霖渭七省唔知咩掌門人, 道貌岸然, 武功高強, 而家仲係無線)

 (7)  福康安                              (福大帥)

 (8)  陳家洛                              ("紅花會" 總陀主)

 (9)  石萬嗔                              (程靈素 師叔, 擅長用毒藥害人, 而家仲係無線, 多數做奸角)

(10)  南 蘭                               (苗人鳳夫人, 惜紅杏出牆)

(11) 苗若蘭                              (苗人鳳女兒, 而家間唔中做下主持咁啦) 

(12) 趙半山                              ("紅花會" 三當家, 而家仲係無線)

程靈素係景黛音，苗若蘭係周秀蘭，龍天笙係平四，曾江係田歸農

呂方細契唱主題曲，

我都有睇過呀,不過大部份都唔記得....

只係記得第一集唔知掙D咩打黎打去

做劇集之前仲介紹過雪崩既大場面

劇中幾位花旦合照

from:

kingtoiyam.com

嘩...兄台

全中........

龍天笙----- 佢lee個平四叔角色我最深刻 , 因為以傷殘人士一名都可以養"胡斐"

曾江 ------- "田歸農"夠晒賤.

Blade兄真系好勁

你對劇集的資料都十分深認知.

以後真系要同你傾多d

終於可以找個對電視劇認知多多的綱友只傾傾啦

可惜了...少少..

因為套劇都幾"正"

非常多謝你呀!!!

趙雅芝 ---- 飾演的袁紫衣 真系一個古代美人

不如你也post一些劇集上來傾傾

好o野!

平四叔 可算係 龍天生 既代表作, 佢演得非常好. 因為佢唔識功夫, 又有殘障, 同時又比好多壞蛋追殺. 佢令我一路睇,一路好擔心佢既安危.

曾江 呢個 田歸農 奸得黎好人性化, 有血有肉.

景黛音 擺脫刁蠻公主形象, 飾演 程靈素, 有好多內心戲表現.

但係......

周秀蘭 不是 苗若蘭, 留意下佢係著 紫色衫架.

苗若蘭 並沒有在相片中出現. 果位女演員係經典兒童節目主持, o岩o岩調離<430穿梭機>轉去拍劇集.

from:

kingtoiyam.com

趙雅芝 不是 袁紫衣, 話明係"紫衣", 梗係著紫色衫果位啦.

趙雅芝 飾演 馬春花, 只係出左幾集, 佔全劇戲份不多. 佢條感情線係同 福康安(大帥)有關. 但係佢演出果部份係全劇最令人傷感既. 非其他小花所能及.

女主角分別是 袁紫衣, 程靈素, 但係 無線阿姐 面前都要企後排. 不過在眾小花當中, 仍然是 趙 係最省鏡既.

嘿嘿~~

只要係拍得好, 印象特別深刻. 我認為<雪山飛狐>可算是 無線 拍得最好的 金庸 劇

加上小的當年求學不是求分數, 唔洗憂柴又憂米, 工作就是全職睇電視, 自然記憶猶深啦.

多謝你的指點....

我都不是太記得......

不過我最深刻都是胡一刀同苗人鳳比武 . 因為不是一次過 , 而是打了比較長時間 , 而且還下著大風雪時比武 

你就好啦.......

我要做完晒d功課 , 才可以看

我也認同 , 四哥好型仔 .

唔知而家叫佢再做多一次"苗人鳳"會是怎樣呢

好似係為左爭奪"闖王寶藏", 胡一刀 係住o係雪山上, 唔知受咩人所托看守住呢個寶藏, 由於佢武功高強, 邊個黎到都搶唔到D寶物. 田歸農 聽聞呢個消息之後, 準備拉大隊上雪山尋寶, 但又害怕 胡一刀 既厲害, 於是唔記得出咩計仔 TUM 埋"打遍天下無敵手"既 苗人鳳 一齊去. 但 苗人鳳 應該唔知道關於寶藏既事. 佢係純粹來比武的. 跟住就帶出了 苗,胡 二人 打足三日三夜的比武. 

我仲記得當年拍攝呢套劇, K-100介紹過佢地係去左唔知邊個離島既山上, 大量噴假雪(maybe 發泡膠)營造雪山景象. 因當年唔興上大陸取景. 無線武俠劇仍是本地拍攝. 大熱天時著晒雪山裝束仲要打, 都咪話唔攞命.

趙雅芝 果段係講 福安康 統領(黃允才) 在機緣巧合下結識了民女 馬春花, 二人私奔且生了一雙兒子. 馬 起初不知 福安康 為朝庭大帥, 二人一直生活育兒. 福安康 本來也真心喜愛馬春花, 於是把她及一雙兒子接回宮中. 一起過安樂日子.

惜好景不常, 福安康 的母親, 福夫人(佩雲 演) 知道此事後, 因 馬春花 出身寒微, 且非 滿族血統,  心生一計, 欲賜毒酒加害之.  福安康 知道此事後, 亦頓感心痛, 但自知不能阻止母親下毒手, 深感無奈, 亦試圖案力挽狂瀾, 找皇上求情.

其後 馬春花 及兒子被救出, 逃離大帥府. 自此一直臥病在床, 幸得 胡斐 及 程靈素 所照料. 馬春花 知自己時日無多, 但倒臥病塌中仍思念 福安康, 盼望見最後一面. 胡斐 感到她十分可憐, 但他又不可能把 福安康 抓來見她. 忽然想起數日前在山上見過一個與 福安康 長得一模一樣的人.  那人正是"紅花會"總舵主 陳家洛. 於是硬著頭皮懇求 陳總舵主幫忙, 冒充是 福安康 前來慰問, 馬春花 見到這個頂包 福安康之後, 心願了結, 亦悄悄地死去.

  1. 福安康 與 馬春花                   2. 馬春花 被迎接到大帥府生活       3. 福母欲加害馬春花, 福感震驚

4. 胡斐 初遇紅花會眾當家                5. 胡斐 請求 陳家洛 頂包           6. 陳家洛 冒充福安康前來慰問 

                                                                                                   馬春花 心願得償,終悄然而去.

Pictures extracted from

http://www.wongwanchoi.net/series/fox.htm

BINGO!!