引用:
原帖由 超人兄弟 於 9-7-2012 01:39 發表 
咪玩啦~小櫻姐姐...妳文筆好流暢，我呢 D 小學作文直情要厘埋面向牆呀。 .嘻~..雪國天堂...好浪漫 ！ 唯有再等妳的清泉文章吧！
你咪玩就真啦~超人兄弟!清泉文章?笑死人咩!
五月香港遊記之下集大結局~~~~
上回講到超人兄弟，接到電話，因有要事在身，先行告退，臨走前，送我們禮物，好感動、真有心，多謝!!跟住我們和Potato兄食午餐，繼續暢談童年往事，步陞鞋廠、南針工廠、黃金戲院、金禧樓....當講到電視劇，原來大家都好鍾意睇甘國亮系列:執到寶、無雙譜、神女有心....又講到甘國亮有份演出套幻海奇情之「兆」，片中牆上出現一雙鬼眼，細個睇時好驚嚇，一致認同又經典又恐佈，大家天南地北，講下講下，不知不覺已三點，最後Potato兄埋單請食飯，實在太客氣!!
呀!多得超兄提起，差點忘記中央飯店一站，如果唔係深水「土步」識途老馬街坊，好少人會知地頭，因為店鋪不在大街，未行到飯店，心裏面已想起麥兜卡通，其中一首歌:「大包整多兩籠，大包整多兩籠，唔怕滯.....」，事關當年中央飯店很出名雞球大包，記得七十年代，大約買一元左右，餡料有雞肉、豬肉、火腿、冬菇、雞蛋，比叉燒包大三倍以上，食一個就飽肚，如果好似首歌咁大包整多兩籠，其實唔單止會滯，肚痛都有份呀!不過去到飯店，門口貼上內部裝修，暫停營業通告，我們都懷疑老區舊茶樓，還會花錢大裝修嗎?還是在加租壓力下，撐不住，準備要結業?
五月二十一號下午, 超兄約我們去鰂魚涌慶禮院製作室，參觀一個歷史物品展覽館，當日原本休館，幸得超兄費盡唇舌，館主先答應勺情開放，還安排職員導讀介紹，我們至有機會欣賞到館主，多年私人珍藏，有日常用品、文具 、玩具、電器、傢俬….全部擺設有心思，好有記念價值，我們不停大叫o華o華o華!讚美之聲不絕，因為實在有太多驚喜、太多美好時光回憶。之後到灣仔買小甜甜、鐵甲萬能俠、超人阿鄉DVD，路經檀島餐廳，外買了新鮮熱辣出爐蛋撻，配上冰涷香濃奶茶….唔….好味到不得了呀! !我們澳州一個蛋撻要1.6 AUD，蛋液唔夠熱、皮又唔鬆化，完全冇得比。跟住到銅鑼灣東湖酒家晚飯，原來酒樓經理兩個仔女都在Melbourne讀書，我們又閒談澳州生活的苦與樂。當晚和超兄真的聊得高興，樂而忘返，但天下沒有不散之筵席，最後各人懷住依依不捨心情，說聲後會有期，就此話別。
那些年，我們在深水「土步」、長沙灣，度過天真活潑的童年，今年，我們有機會見面相識相聚，雖是片刻歡樂時光，但卻是難能可貴的!不竟大家的人生，已經過了不少甜酸苦辣的歲月，有幸能健健康康、精神爽利地一起暢談往事，真的要惜緣!
在此再三多謝超人兄弟同Potato兄，兩位熱情的款待，現附上三張照片，記念我們街坊童朋友誼! 希望下次返港再見面，珍重!
長沙灣公園滾軸溜冰場
深水「土步」雪山茶餐廳
鰂魚涌慶禮院製作室
