陸小鳳

武當之戰三條友仔圍剿蝦叔，都算經典。

其實由劉松仁拍既陸小鳳究竟有幾多輯? 同埋係邊幾輯?

應該三輯! D碟剛入箱轉移, 個副題唔多記得, 主要系:大鵬王(主題曲:鮮花滿月樓), 決戰前夕(葉孤城)及決戰武當(主題曲:誓要入刀山), 另外一套鳳舞九天是萬子良主演的.

第一輯係金鵬王定大鵬王--- (不肯定) 但記憶中播出時無副題. 主題曲: 陸小鳳 -" 情與義. 值千金..." . "鮮花滿月樓" 係插曲. 花滿樓及韓瑪利出場.

第二輯, 决戰前夕. 有副題同時播出. 主題曲同第一輯. (但不肯定) 决戰前夕 "男兒天職保家眷" 係插曲.

第三輯, 武當之戰. 只記得有主題曲 誓要入刀出. 不記起插曲.

鳳舞九天就係甄妮唱.

無錯嘞, 我記得都好似係三輯, 第一輯好似無副題, 淨係叫 [陸小鳳], 但問題係每輯都應該有自己既主題曲, [ 情與義...] 應該係第一輯, 第二輯就係秋官葉孤城既 [決戰前夕], 但真係想不起首主題曲係咩? 所以成日將第一二輯溝亂; 第三輯係關海山既 [武當之戰] 係喇主題曲係 [誓要入刀山], 咁第二輯既主題曲究竟係咩呢?

kkeeleung兄真系好記性!

致各位陸小鳳迷, 有小小資料分享如下 :

第1輯 :    金鵬之謎

http://www.youtube.com/watch?v=5rzAaswdDMM&feature=related                                      

 插曲係 : 鮮花滿月樓

http://www.youtube.com/watch?v=1TK-HmQRjg4

第2輯 :    决戰前後          而第1, 2輯既主題曲係一樣

插曲1係 : 决戰前夕

http://www.youtube.com/watch?v=eZ4_CyBkY5k&feature=related

西門吹雪因妻子身懷六甲而心神不定, 無把握能接下葉孤城之天外飛仙,欲向好友陸小鳳托孤時插播

插曲2係 : 願君心記取

http://www.youtube.com/watch?v=E00tPO3ZzP8&feature=related

孫秀清 ( 蛾眉派三英四秀之一 )為要丈夫西門吹雪能全副心神應戰, 欲淡然渡過可能係最後之一夜時插播

第3輯 : 武當之戰      主題曲 : 誓要入刀山 

http://www.youtube.com/watch?v=tT1pBkv0Ctw&feature=related

呢首就唔使講, 一起奏就有氣勢, 後無來者矣

 插曲係 : 情未了

http://www.youtube.com/watch?v=IcYqkNLhHV8&feature=related

西門吹雪要求孫秀清為配合鷹巢計劃而同意發放假消息她與陸小鳳有姦情一事及生下之孩子竟然殘肢 ( 無手點用劍 ?)心結無法解開, 於眾人將老刀把子殺敗, 瓦解幽靈山莊之時, 要陸小鳳與其一戰, 以正名聲

但因一句恥辱必須以血清洗竟令妻室孫秀清誤解終而自刎於眾人面前, 西門吹雪內疚不巳, 在妻子彌留之際哭訴早巳不在乎劍神聲譽,祗是武夫天性如此, 放眼天下當前能一較長短, 惟陸小鳳一人而巳, 故乘時迫其應戰, 甚料弄巧成拙,跪求妻子原諒, 最後一幕孫秀清含笑死在丈夫懷中時奏出此插曲

多謝 superoldcake 兄指點, 原來第一二輯係用同一首主題曲, 終於解決破了迷題!!!

 占四谷 &  kkeeleung 餅友:

你們好, 老拙亦陸小子迷 , 誌在分享各類資訊, 無須容氣    

3輯陸小鳳都有參與演出指定角式既除左劉松仁 : 陸小鳳

                                                           黃允財 : 花滿樓

                                                           黃元申 : 西門 吹雪

                                                           黃杏秀 : 孫秀清

仲有幾位演員於3輯陸小鳳分別出演不同角式：

就係蝦叔 關海山  第一輯 金鵬之謎  : 獨孤 一鶴 

                           第二輯 決戰前後 : 李燕北

                           第三輯 武當之戰 : 玉道人 /  老刀把子

蝦叔個仔關聰       第一輯 金鵬之謎  : 霍天青

                           第二輯 決戰前後 : 平南王世子

                           第三輯 武當之戰 : 將軍

另一位係江毅       第一輯 金鵬之謎 : 閻鐵珊

                           第二輯 決戰前後 : 大內太監總管 黃公公

                           第三輯 武當之戰 : 幽靈山莊管事 高濤

仲有江濤              第一輯 金鵬之謎 : 朱亭

                           第二輯 決戰前後 : 大內錦衣衛總管 魏子雲

                           第三輯 武當之戰 : 大內錦衣衛總管 魏子雲

司空摘星一角       第一輯 金鵬之謎 : 馬劍棠 飾演

                           第二輯 決戰前後 : 馬劍棠 飾演

                           第三輯 武當之戰 : 廖偉雄 飾演

補充一題:  第一輯不播副題, 可能係求其一試, 見好即拍第二輯.决戰前夕. 到第三輯. 武當之戰. 同時. 可能當年好收視有賺. 第三輯比一二輯服裝靚咗. 陸小鳳同花滿樓等都多衫換咗. 仲有新主題曲. 第一輯副題. 印象中要到出vcd才見.

kkeeleung 餅友你好 :

閣下果然心水清, 留意到第3輯較前兩輯投放更多資源 ( 戲服,道具及佈景 )及人力 ( 演員之份量 )

因拍第1輯之時為76年古龍之同名武俠小說剛推出, TVB以平價買下拍攝版權作試金石,故並無太大祈望,

誰料出街後大收, 天林叔要再操刀火速開拍故事更懸疑之第2輯 : 決戰前後,

所以連主題曲都要沿用第1輯版本係時間太趕....頭尾5個月拍好再+做後期於77年10月出街,

雖然祗有8集 -------- 第1輯都有10集, 可想而知趕時間 得幾緊要

秋官飾演之絕世孤高既劍手--葉孤城,直情係強賓當作主, 台型＋足,唔知既以為睇緊葉孤城傳

連我老豆一向絕小追劇既都追埋一份, 到last個集播出當晚, 全家人坐定定睇:

葉孤城眼見奪位無望,成皇夢空, 在西門吹雪一句 : 心巳靜?  反能以平靜之心享受與西門吹雪盡情論劍, 並於使出天外飛仙之時, 故意留下祗有西門吹雪同時用絕招一劍東來才能攻破之死角,最終得以保住劍客之尊嚴死在值得尊敬的對手劍下

呢集為第2輯寫下完美句號, 打後幾個月仲好多人茶餘飯後討論箇中劇情, 亦由於決戰前後之空前成功,

第3輯投放更多資源及加重演員份量,並大改劇本以配合角式演譯

但珠玉在前, 78年6月出街之武當之戰並未再下一城, 祗能持平,花咁大人力物力都係打個和,幾令天林叔老面不保, 所以陸小鳳系列就此打住, 無以為繼

** 第3輯 武當之戰 主題曲 誓要入刀山 除外, 秋官唱到街知巷聞

 N年後之肥版陸小鳳劇本改到咁, 邊個演都死,

良心講句 :唔可以入晒萬子數

記憶中, 當年每週播一集, 故不覺集數少. 

記起當年無記簡用角套圖宣傳陸小鳳... 尋人.... 男性....... 特徵:  四條眼眉....

鳳舞九天不是太差. 只是套劇已不太是古龍而矣.