傻瓜伴我行

Very Good Feel!!

睇緊人地食生炒骨 ...

多謝你的返饋 ...

繼續學習中 ...

淨係知杜月笙冇咁肥 ... 應該係攪錯左 ... 係杜月笙既地盆都可以攪錯，真係離 Q 晒大譜 ...

點解虎兄冇新發現，$$兄 會失望？ 兩位有咩瓜葛？

大樹菠蘿蜜桃梨 ...

咁你自己有冇想住某人 ar ... ？

可能佢....哈緊糖 知道有你 d 位 雄顏知己想伴他過將來.

咁你都諗得到 ...   (掛住 d 鴨掛到上晒腦添 ... )

氣味？冇乜氣味 wor ... 會有咩氣味 ar?

係冇 service concept 既上海黎講，呢度算唔錯 ...

至鍾意係自出自入、任影、冇人干涉既 feel ...

遇到無厘頭司機，攪到差 d 連機都上唔到?到底攪邊科? 大陸的士的確抵'打',但在北京就未必有着數,上下班時間簡直塞爆,唔知點解目的地都好遠!浪費好多時間,又難截車,.........搭地鉄又好似走難咁,(而家已好左D)

台灣的運將,台北ok啦!

唔会嘥眼力ga~唔好睇咁detail咪得lor!

咁敢催你,只係想打鐵趁熱啫......

好記得呢個草坪!!!而火車頭卡亦有見過,但唔記得係唔係從桌边的窗view睇到!

有時好難明,在大陸好中意用綠色嘅灯光去為夜間的樹、植物打光,白光或黄光都会靚d~~我覺得.

好多謝K兄分享照片,也勾起成一絲絲記憶!

咁有無比人惡意干涉過~ ??例如擲出門口咁o拉~。

大陸所有大城市上下班時間都塞爆！！！ 地鐵逼都冇計 ...

咁，你通常睇得有幾仔細 ar 又？

匹布咁長  ... 三次都是在一個月內發生 ...

上海兩次遇新手上路

第一個一開車就問我點走，以為自己聽錯，冇理由連黃埔區去南浦大橋咁近都唔識路 ... 叫佢問台，佢話冇台，叫佢打電話問朋友，佢話係外省人，冇當地朋友，自己開工唔夠三個月 ... 沿途我要問隔離線司機指路 (大陸係左呔) ... 上左橋，當天好大霧，能見度 30米，我要幫佢睇去龍陽路磁浮站路牌 ... 結果入錯線，一路在高速上走左好耐去左唔知邊度 ... 落左高速停車問人，發覺走錯方向，所在地離磁浮站有十幾公里 ... 咁 arm 我見到有機場路牌，時間唔夠，唯有直踩機場 ... 點知師傅連機場都未去過，我坐佢隔籬做 co-pilot 幫手睇路牌，一路大霧，師傅手車好掂，一路逢車過車 (俾人)，120kmh 公路佢行 80kmh ...

第二次徐匯區上公司的，師傅又係一開車就問我點走，我即時大聲反應：「甚麼！！？」佢話開工一個月唔夠，唔係好識路 ... 車已在中線，落唔到車唯有照去。高速上又走錯線，個台教佢搵出口再上番原高速走對面線。出口舞雷公咁遠，上番高速入徐匯條線大塞車，上車40分鐘後又去番上車位置附近 ... 個師傅都算老實，果 40 分鐘車程冇計錢 ...

香港果次去旺角火車站 (約左車 5:00pm 係羅湖口岸去東莞) ，上車話俾司機知去旺角火車站帝京酒店，問司機咁行係咪順路 d 。司機答係，仲話由亞皆老街果邊入要�n黎�n去。心諗香港 d 司機係醒 d .

太子道塞車，自己一路在車上講電話分左心，只覺的士在快線慢駛，久久都末入左線 ... 突然見到右手面係旺角差館：

k：(失驚無神地收線) 你去緊邊度?

司機：(一臉咢然) ... X景酒店 lor

k：(氣急敗壞) X景酒店有旺角火車站咩?

司機：(如夢初醒) ... 旺角火車站咩?

k：(嘔血咁既口吻) ... 你唔係話由亞皆老街果邊入要�n黎�n去咩？

司機：(鐵青口面) ... Ar ... 係 wor ... 攪錯左 tim ... 即刻去過 ...

結果係彌敦道同旺角 d 橫街塞多半粒鐘，最後由亞皆老街入 ... 去到羅湖遲晒大到 ...

咁又係,塞車先係大国風範丫嘛!

我唔会特登嘥眼力ga,只係會用欣賞嘅眼光,咁咪冇咁疲勞lor!

我都坐過話自己岩岩揸的士冇耐嘅師博,都唔知信唔信好,上車報了目的地如果佢有猶疑,我会問佢知唔知定,唔知就趁早換車無謂浪費彼此時間(尖峰時间例外,怕冇車)

有d真係新手,曾经有個師博因新手兜左路,話因嘥左我宝貴嘅時間唔好意思,結果話全程唔收我錢,我覺得佢講得非常有道理,所以我比足佢.

第一個:可能佢係孤兒或玩自閉,舉目無親,所以無相熟嘅親友去問.而且當天好大霧，能見度 30米，行 80kmh 都係想肯定地收到你d車資啫.師傅連機場都未去過都唔算咩,可能飛机都未見過!你都几有運,遇到過極品!下次叫佢坐隔籬�O地圖,自己揸好過!

第二個:上車40分鐘後又去番上車位置~~我諗起双星報喜一幕:sam上左部的士話去xx酒店,許冠文做司机帮佢閂車門,跟住走去開另一边車門話到了,因為本身已在xx酒店門口!

第三個:個師机知道你要投訴佢,所以直接送你去旺角差館,唔使打電話比999!

大家都係斯文人，點會咁暴力 ar ...   (不過有次係大6同人爭的士，大爆粗口，你推我撞，差 d 全武行 ... )

遲 d 再有 d 餐樓相，睇下你會唔會認到 ...

唔講唔覺 ... 佢地係鍾意在公園晚上用綠燈照植物 ... good observation！

下次用眼力果陣，順手影兩張 post 上黎分享下嘛 ...

大陸地方大，遇新手可以既話即換車，無謂浪費彼此時間 ...   

走錯路都比足車資，好大器姐 ...  (k 通常會堅持比搭開既車資 ...  ) 

第一個：果位極品好騰雞，所以 k 都盡量和顏悅色 ... 當時心急如焚，有諗過同佢講等我 jar ... 但講唔出口！   溫馨提示極品可以開快 d ，佢答話霧大，小心 d 好 ... k 都覺得有道理 ...  

第二個：短時間內兩遇新手，覺得好黑仔 ... 心中"型"住一不離二，二不離三 ...  

第三個：好既唔靈醜既靈，咁騎呢司機都遇到 ... 到兒家都唔明佢當時諗緊乜 ... 不過，佢應該唔係特登，因落車果陣佢話：「... 你搭開幾多就比幾多 ... 」(咪錶多過平時一倍有多) ... 或者佢係響應一哥呼喻，唔好隨便打 999!

事後檢討也覺得自己非常非常不智 ... 會汲取教訓 ...

咁又冇咁誇 ...

指的是那窗口位所在的餐樓有可能是你到過之處 ...

上海老站 3 ：舊上海掠影 --- 外灘篇

96年首次踏足上海，落腳在西藏路與南京東路交界處，對眼前車水馬龍、人潮不絕的景象驚訝得不能言語！當時的南京東路尚未規劃成步行街，從來只走偏遠、落後地區的 k 如大鄉理入城，迷失在一片喧鬧中！

驚訝的不是大上海的繁華，而是眼前排列整齊，看不到盡頭的高樓都是上百年的西洋建築。也就是說，當香港還是杳無人煙的漁港之際，上海早已是十里洋場，比當時的巴黎市有過之而無不及！

現代上海吸引人的地方除美味的平民小食如生煎、小籠，及古老洋房外，恐怕乏善足陳；這也許與城市過度發展、官員貪腐、民風越發功利有關。走過一些地方，牆上不經意地掛著一些在大時代拍下的黑白照，脫落又發霉的色調掩不住原上海的華麗，浮誇，和神秘的種種。每次看到這些照片，k 都駐足良久，隨腦中嚮起夜上海的旋律，尋找那風情萬種、十里洋場的足跡 ...

在上海老站欣然看到牆上掛了不少舊上海照片，在不影響其他人的情況下，翻拍了一些回來。翻拍的照片雖不多，會以外灘篇、洋樓篇，和民生篇在此與餅友共享 ...