金牌餅迷
原帖由 chumy_chu 於 14-4-2010 09:01 發表 多謝錢兄提供照片 ﹐讓我看到她近年的樣子﹐ 其實我都蠻喜歡以前她所飾演哪吒一角~~
最近睇News佢笑起來個樣同以前一樣.
查看詳細資料
TOP
中級餅迷
原帖由 WK1959 於 14-4-2010 11:26 發表 最近睇News佢笑起來個樣同以前一樣.
樣子沒有什麼大變化。可能是天生baby face吧 。。不知她結婚了沒有呢?
現在她已是當選的區議員﹐是嗎?
哪一區??
餅壇元老
原帖由 chumy_chu 於 14-4-2010 12:47 發表 樣子沒有什麼大變化。可能是天生baby face吧 。。不知她結婚了沒有呢? 現在她已是當選的區議員﹐是嗎? 哪一區??
已經當選了西貢區的區議員多年, 重做得有聲有色添!
最近行街上網, 又買了一些東西, 同大家分享吓先!
這三個組件是分開買的! 我最鐘意銀河鐵道999個火車頭可以著燈, 愛美達拉斯及多次郎是一對買回來的, 可惜找不到夏羅古船長的figure!
鴉是日本龍之子週年紀念之作, 畫風有別於以往, 我幾鐘意! 天地雙龍則是很偶然的情況下才集齊的, 其實最初1-2盒斷了貨, 我只買到3-4兩盒, 後來在灣仔188鋪頭見到淨返兩盒現貨(只得1-2兩盒)無人要, 合晒心意, 即刻補倉!
這套高達是倉底貨, 跳樓價, 抵買!
亂馬, 幽遊白書及男兒當入樽都是近期的減價貨品, 勝在有當年電視的原裝粵語配音! 甲賀忍法帖是台版來的, 個故事好殘酷! 睇到好唔開心!
身邊好多朋友都推薦我睇天原突破, 所以最近買了套精節版本回來看看! 劍及龍騎都是近期入的台版減價貨!
其實我是很後期才開始看棋靈王的, 一次經朋友介紹看了數集, 覺得故事不錯, 所以再買套碟回來由頭追看一次! 而吉田則是路過某唱片鋪買回來的美國版, 主要貪佢有原裝日文聲軌同英文字幕!
GI JOE當年是亞視在下午兒童時段播開的, 最近買了一個complete set 回來, 譄品是載有特別介紹的記憶手指一枚!
買得到下面套法文版太空保衞團(飛鴻艦長), 真系要非常多謝WWI36兄好介紹! 我想買呢套碟好耐, 可惜因為版權問題, 日本方面擱置出版計劃, 經 WWI36介紹, 我先識上法國網找, 皇天不負有心人, 終於俾我訂到, 除左語言, 內容無多無少無改版, 原汁原味, 所有我地細個睇過的故事都有齊! 最正系有一隻附有special feature介紹的光碟送譄, 大家睇真的, 飛鴻艦長已經在法國做左老逗啦!
虎威勇士以前是無綫下午六時播放的, 現時美國只出了兩季, 唔知最有冇多d呢?
呢套He-man同我地睇過果兩套有d唔同, 無綫以前果套是講He-man在永恒國的(現在)故事, 亞視果套The new adventures of He-man系講他將來離開永恒國後的冒險故事, 而下面呢套系講他之前如何成為He-man的故事
Broken Saints 原本是一套網絡卡通, 當年因為人氣及超高點激率, 所以才被發行的, 我覺得d風格(唔系故事內容, 而系d氣氛)有少少似Matrix!
下面兩套卡通都算是老古董, 都是行街無意發現的! 第一代的貓狗寵物街好睇過新果套多多聲! 卡通王國CD主要是因為路雲娜姐姐d歌而買的! 中國水墨卡通呢一套碟好野黎架, 我地細個在戲院睇過的大鬧天宮, 那吒鬧東海, 人參果全部有齊!
有關吸血疆屍的卡通很多, 聖魔之血及Vampire Hunter D是我比較喜歡的兩套! 而魔劍美神則一共出了5季, 香港亞視只做了頭三季, 下面是台版及美版第4及5季的故事!
下面青春火花的電影版是路過唱片鋪買的, 而花仙子露露則是祖國Amazon.com(這間是真的!)的偉大產品! 可惜只配了國語, 没有日語原聲道!
減肥是對身體有害
版主
四眼同肥都是唔健康...
原帖由 虎榮 於 3-10-2010 05:23 發表 鴉是日本龍之子週年紀念之作, 畫風有別於以往, 我幾鐘意! 天地雙龍則是很偶然的情況下才集齊的, 其實最初1-2盒斷了貨, 我只買到3-4兩盒, 後來在灣仔188鋪頭見到淨返兩盒現貨(只得1-2兩盒)無人要, 合晒心意, 即 ...
甲賀忍法帖台版..我都有不過是再反台版 我姐有所以我番. ....甲賀忍法帖 好正 結局都好慘吓.
請問你套天地雙龍有沒生果歌香港譯版本?? 我想要歌詞
鴉 --同感.
棋靈王 同 吉田都有.
Broken Saints ...我都有..二手 $7.99
聖魔之血及Vampire Hunter D 兩套都有...對菊地秀行幾喜歡.
你套 中國水墨卡通 香港買???
虎兄同我D 口味都好近 ...
原帖由 foureyesfatboy 於 3-10-2010 10:05 發表 甲賀忍法帖台版..我都有不過是再反台版 我姐有所以我番. ....甲賀忍法帖 好正 結局都好慘吓. 請問你套天地雙龍有沒生果歌香港譯版本?? 我想要歌詞 鴉 --同感. 棋靈王 同 吉田都有. B ...
口味相同! 可能因為我地都系四眼肥仔一族!
果套中國水墨卡通是在香港深水埗買的, 是無意中在一間賣音響的鋪頭發現, 不錯啊! d畫風好唔同, 而且用色另有一番味道!
至於生果歌, 下面大家有講過wor! 原裝日文, 娜姐譯晒出黎lu bor!
http://www.oldcake.net/viewthread.php?tid=6020&extra=&page=1
我果套雖然系配音, 但系唔知同當年麗的o既歌詞有冇出入, 遲下等我抄左d歌詞放上黎俾大家印證一吓!
已經印証左，因為版權關系，全部歌用回日文版！ 不過堀江美都子後生個樣好可愛！
上世紀七十至九十年代是武俠劇的黃金年代，麗的／亞視與無綫可謂各勝善長．大體上，麗的／亞視的武俠劇以畫面招式凌厲見稱，因為他們當時的導演及武指均是後來的銀幕大導演，包括蕭笙，徐克，程小東等人，無綫在這一方面一直無法追上麗的／亞視，就算是鼎盛時期，無綫都只能拍出接近的水準，不信？ 大家遠的可找找無綫楚留香及麗的的盜帥風流比對一下，近的可找無綫天龍八部（黃日華為喬峰的版本）或大唐雙龍傳與亞視的劍嘯江湖及雪花神劍比一比，無綫除了特技及慢鏡使用（超多！ ），在招式佈局及比拆上根本是遠遠不如麗的／亞視．至於劇本方面，無綫及麗的／亞視可謂平分秋色，但自甘國亮等人離巢後，無綫劇種的創新就一厥不振，相反麗的／亞視還是偶有佳作，我和疆屍有個約會便是一例．無綫在武俠劇範籌唯一佔優的就是有一批數量龐大的好演員（僅只上世紀七十至九十年代），一個鄭少秋，一個趙雅芝加上一個汪明荃，當年古裝扮相可謂靚絶中港台，誰與爭鋒！這點是麗的／亞視永遠無法追上的！可惜！
醉拳王無忌及續集日帝月后，以黃玉郎的漫畫改編，李賽鳳及葉玉萍所演的柳仙兒及醉娃十分討好，令人難忘！
八仙過海是當年邱德根主政時期的製作，與山東電視台合作拍攝，劇本好，演員好，景又靚，當年中港兩地均有好收視，是其中一部最成功的賀年劇！
傅紅雪傳奇及劍仙李伯算不上是上好的大製作，但劍仙李伯的製作還算認真，往大陸取景，在描寫唐玄宗及楊貴妃的一段故事上亦見心機，霓裳羽衣及賜死貴妃一段更佳，其中柳影虹主唱的插曲清平調亦相當悅耳！
仙鶴神針及劍嘯江湖是亞視９０年代武俠劇的代表作，劍嘯江湖的故事脫胎自古龍的流星蝴蝶劍及浣花洗劍錄，雖不像仙鶴神針以群戲為主，但演員選得非常之好，其中燕孤鴻決戰楚江南及柳生二場戰役，足可列入港產武俠劇有史以來十大最佳決戰場面！
歷史宮闈劇是麗的／亞視的另一強項．八十年代的秦始皇令無綫陣腳大亂，是繼大地恩情後，另一套能有過六成收視的亞視作品，後期雖然輸了給阿信，但雖敗猶榮！君臨天下則是九十年代的佳作，以康熙末年九王奪嫡的故事為藍本，劇力很好！
武俠帝女花當年相當受歡迎，而碧血青天楊家將及續集碧血青天珍珠旗則以宋朝楊家軍故事為主體，加上其間當時得令的包青天一眾演員助拳演出，當年收視相當理想！
一向覺得甘國亮是一名鬼才，他所監製的劇集很有創意朝氣和時代感，重没有給人過時的感覺！他選角的功夫亦是一流的！
執到寶，無雙譜，山水有相逢及神女有心相信是很多餅友的心水之選！
飛越十八層算不上是TVB十分收得的作品，當年主演的苗僑偉及戚美珍均只是剛走紅，但一首主題歌．難為正邪定分界的確是檜炙人口的！當年個個都知道魔鬼的粗口是．早早，咁天使的粗口是什麼呢？！
錯結良緣整套戲的劇本其實是抄８０年代畢雷諾士主演的一套電影的，橋段可謂抄了百份之九十九！不過曾江，鄭裕玲及石堅叔組成的鐵三角救了這套戲！
有一段時間，無綫的歡樂今宵收視下滑，為保招牌，無綫中人製作了一系列的小型劇集，安排在歡樂今宵時段放映，最初每次只放映１５－２０分鐘，後來又增加到３０分鐘，收視亦由非常之好變到差強人意！不知各位餅友當年有沒有收看過呢？
講起這批劇集，除了如來神掌，屈原等數套之外，其他的都應該出了VCD或DVD！
栗頭大五郎
老餅再造人
都市小人物
原帖由 虎榮 於 8-10-2010 01:48 發表 有一段時間，無綫的歡樂今宵收視下滑，為保招牌，無綫中人製作了一系列的小型劇集，安排在歡樂今宵時段放映，最初每次只放映１５－２０分鐘，後來又增加到３０分鐘，收視亦由非常之好變到差強人意！不知 ...
秋官個做型似足黄大仙. 印象中好似唔係喺 EYT時段播.
你講個d 小型劇集全部都無睇過..... 走咗. 只是記得銀光2000.
......e....唔係 wor.....武林聖火令係唔係有于洋做, 觀世音....係唔係趙雅芝?
記憶中...無記有套講開頭有八仙在天庭同玉王大帝對話呂洞賓好似係周潤發??? 係邊套? 個時有個friend 比餅帶我睇...仲好多雪花.
小餅迷
原帖由 foureyesfatboy 於 8-10-2010 03:48 發表 你講個d 小型劇集全部都無睇過..... 走咗. 只是記得銀光2000. ......e....唔係 wor.....武林聖火令係唔係有于洋做, 觀世音....係唔係趙雅芝? 記憶中...無記有套講開頭有八仙在天 ...
武林聖火令係唔係有于洋做?
aeug: 唔係, 係惠天腸做尹天仇, 于洋做果套係"如來神掌"
觀世音....係唔係趙雅芝?
aeug: 係
記憶中...無記有套講開頭有八仙在天 ...
aeug: 楊家將
應該仲有盧海鵬做包公果套"鐵面包公"???
原帖由 虎榮 於 4-10-2010 02:28 發表 上世紀七十至九十年代是武俠劇的黃金年代，麗的／亞視與無綫可謂各勝善長．大體上，麗的／亞視的武俠劇以畫面招式凌厲見稱，因為他們當時的導演及武指均是後來的銀幕大導演，包括蕭笙，徐克，程小東等人，無&# ...
醉拳王無忌...超經典...早幾個月至0係上海街撞見吳剛師傅
