雖然話世紀係"超"既第2作, 但我覺得佢既劇情有d亂黎, 好多野都無解釋到. 記得ATV當年播出時我仲讀緊小學, 可能果陣仲未明. 但到讀大學時買VCD(當時未有DVD呢家野)黎睇, 都係唔明. 或者呢度既巴打可以解釋下.
- 無解釋到開始兩方爆發戰爭既原因, 亦無去講桂要引爆既係咩野裝置(最後原來係可以坐人入去既), 目的係咩.
- 桂同奧力士因為時空裝置爆炸而去左"未來"既世界. 但係呢個"未來"既世界又會有佢地原本時空無既生物(包括機械人種族 - 魔姆), 劇中叫"艾瑪世界". 咁即係"未來"定係"另一個時空? 如果唔係同一個時空, 咁桂個女出現又點解釋?
- "未來"世界唔知點解比d有電既雲擋住, 任何飛機都飛唔出去, 要上太空只有用"軌道昇降機". 桂同奧力士要上去先可以返回原來世界改變一切, 呢個可以理解. 但係點解佢地最後要乘既裝置係最初又要引爆呢, 又點解一定要上太空先得?
個人覺得OP "漂流~スカイハリケーン"既旋律比"要塞"同"騎團"略遜一籌, 反而"心はジプシー"幾有味道, 能夠道出桂響未來世界一行人過住吉卜賽人般既生活.
