打印

戲院回憶錄~

akaichoi

中級餅迷

Rank: 3 Rank: 3

1^# 大中小發表於 7-3-2008 12:23 只看該作者

戲院回憶錄~

年少既最愛就係睇戲時口含香煙

等待文場時用"都彭"火機點煙,[叮................]

成場人都望過來,好有形!(少年時係咁覺得)

曾經.........."亞飛正傳"試過食左半包煙,因為套戲太靜同太悶.仲要無人睇,成間野得4個人睇

========================================

此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

=========================================

果時讀書時如果同女朋友(14-15歲,兩少無猜)一齊逃學,都會去睇戲,睇咩戲已經唔會再理會

但求可以摷..............

========================================

有一次,早十年左右,去佐敦大華睇一套西片,已經唔記得咩戲名

戲院個喇叭開得好大聲,套戲亦不斷有音樂出,之後下半段時個畫面講主角去救人,去到爛屋度,個畫面見主角慢慢行,慢慢行,不過就有少少女人聲[唔...唔....唔...唔....唔]

我心諗個配樂咁古怪既?唔通主角行入d見到女主角比壞人強緊?所以唔唔聲?

之後我女友拍我,示意我望向前一排右手邊最近牆的一對男女,原來女的已坐在男的上面抽搐

唔唔聲當然係佢女朋友發出架啦........

=========================================

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

===========================================

曾經試過睇一套戲,全院得我同我阿婆兩個人

係秀x坪既金x坪戲院,睇富貴列車,好舒服

大約係新年既年衫三左右

=============================================

第一套入戲院睇既西片係鐵甲威龍第一集

==============================================

第一套睇完覺好成對眼都濕既係阿郎的故事

===========================================

第一套入去睇左2次既戲係賭聖

==============================================

第一次入戲院睇既卡通片係七彩老夫子

==============================================

第一次睇既三級片係人肉x燒包

===============================================

TOP

coffee

高級餅迷

Rank: 4

2^# 大中小發表於 7-3-2008 21:24 只看該作者

引用:

原帖由 akaichoi 於 7-3-2008 12:23 發表年少既最愛就係睇戲時口含香煙等待文場時用"都彭"火機點煙,[叮................] 成場人都望過來,好有形!(少年時係咁覺得) 曾經.........."亞飛正傳"試過食左半包煙,因為套戲太靜同 ...

第一套自己入戲院睇既. . .係 "歡樂神仙窩" ~ 石天

Coffee
http://hk.myblog.yahoo.com/maxwu9

TOP

PPM

新餅

Rank: 1

3^# 大中小發表於 9-3-2008 13:11 只看該作者

灣仔麗都戲院, 早場睇卡通片, 而銅鑼灣嘅豪華戲院, 做過好多歐洲成人片, 最記得有一位主角叫蘭度布山卡, 唔.....大概1977或1976

TOP

FF65535

新餅

Rank: 1

4^# 大中小發表於 28-3-2008 12:39 只看該作者

第一套睇0既..唔記得個名........ ,科幻有隻獨眼巨人好大好黑好驚

第一套自己去睇係" 大煞星與小妹頭" 西灣河金明 $2.50

TOP

agito

小餅迷

Rank: 2

5^# 大中小發表於 22-6-2008 18:54 只看該作者

引用:

原帖由 akaichoi 於 7-3-2008 12:23 發表
此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

深表認同

引用:

原帖由 akaichoi 於 7-3-2008 12:23 發表

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

這叫品格高尚　

TOP

聰洛多薩比

洋蔥頭

版主

Rank: 7 Rank: 7 Rank: 7

我是洋蔥頭

6^# 大中小發表於 25-6-2008 00:17 只看該作者

真係有好多奇遇咁喎...

我好少向戲院睇戲...

第一次睇戲都係七八歲個時...

唔記睇乜囉...

我對上一次係睇蜘蛛俠三囉...

特攝之家重開了!!!
歡迎各位參觀: 特攝之家

TOP

agito

小餅迷

Rank: 2

7^# 大中小發表於 6-7-2008 00:00 只看該作者

引用:

原帖由 聰洛多薩比 於 25-6-2008 00:17 發表真係有好多奇遇咁喎... 我好少向戲院睇戲... 第一次睇戲都係七八歲個時... 唔記睇乜囉... 我對上一次係睇蜘蛛俠三囉...

真係唔記得最後在戲院睇過邊套戲，記憶太模糊

自從

純睇戲的戲院摺晒之後，如鷹君影藝/銅鑼灣碧麗宮，剩番Ｄ迷你影院；

全港戲院禁煙後而一樣有人照食(我係煙剷都接受不了)；

手提電話盛行+弱聽者又要睇戲又要傾電話；

DVD平民化 etc　

TOP

Collins

中級餅迷

Rank: 3 Rank: 3

8^# 大中小發表於 25-5-2009 19:46 只看該作者

而家果d迷你戲院睇戲無feel !
even全場笑曬都無以前個種氣勢, 仲要奉送d sms聲同真人電話講劇情! 真係吹漲~
我perfer慳番兩條野, 走番去美孚影都, 觀塘銀都, 旺角豪華度睇, 一來平, 二來靜, 三來可以懷念下以前

TOP

011072

中級餅迷

Rank: 3 Rank: 3

9^# 大中小發表於 26-5-2009 04:39 只看該作者

時為1980年，荃灣蘭宫戲院，細佬單拖睇早埸，片名『飛天超人』亦即泰國超人白猿哈曼，票價1元不設劃位、冇冷氣，周時有隻貓喺腳邊擦身而過，天花版仲時時滴水。

TOP

luckyrat

大江東去 River of No Return

金牌餅迷

Rank: 6 Rank: 6

https://encrypted-tbn3.gstatic

10^# 大中小發表於 31-5-2009 07:34 只看該作者

戲院回憶錄的確好多嘢寫：

我係高佬，當然鍾意戲院每行之座位距離遠些，唔會頂腳！

北京道之「新聲」、佐敦道之「大華」、彌敦道/亞皆老街口之「百老匯」、奶路臣街之「百樂門」等都係出名坐距窄的。

後期當然最正係銅鑼灣的「碧麗宮」！

但早在三十年前，最寬闊就係彌敦道/金巴利道口之「樂宮戲院」，戲院又大及座位又多，樓上有超等、特等，樓下則有前座、中座及後座；冷氣又充足，更陸錄上演最好及大製作之西片。

其中最令我回味的有：

南斯拉夫製作的 "Suleiman the Conqueror"，

西部名片 "Law of the Lawless" (由地路羅拔臣主演)，

六三三敢死隊、錦繡山河烈士血、烽火山河、霸海奪金鐘、決死雄師、Kings of the Sun 等等。

TOP

011072

中級餅迷

Rank: 3 Rank: 3

11^# 大中小發表於 13-6-2009 12:41 只看該作者

睇戲最討厭係睇4：00特別場，

佢哋為趕5點半嗰埸，人未入埸就開映，

又較快格，戲入面啲人變晒卡通聲，

最賤就係成日偷片，上下唔連貫，

睇到你一頭霧水..............

TOP

africanmonks

小餅迷

Rank: 2

12^# 大中小發表於 20-3-2010 23:12 只看該作者

講到睇戲，真係令人滿是感觸。

先講戲票，從前的票是由人手畫位的，用的是紅色或藍色的顏色筆（很粗的，外表似鉛筆，寫出來的字却似蠟筆字）。我仲保留左二十多張，各位大大有興趣的話不妨回覆一下，我就ＳＣＡＮ幾張比大家過過目。

　　我自己第一次一個人去睇戲是在八二年，看的是一齣西片，片名叫「烈火戰車」。當年這齙電影得了奧斯卡的最佳電影奬。自此之後便習慣了獨個兒一支公去睇戲。（當然間中也會和朋友或家人一起看）fficeffice" />

　　當中令我領略到一個人睇的好處，第一，可以即興話睇，唔使約嚟約去，左就右就。第二，唔使做解畫佬，浪費口水。第三，若套戲唔掂，大可大睡一場或拂袖而去，唔使理其他人反應。

　　同一齣戲自己翻睇次數多的紀錄是三次。那是譚詠麟、林青霞的「君子好逑」。第一次是自己睇，第二、三次分別同兩班朋友睇。當時其實唔想再睇，無奈朋友都未看過，又想看，我唔想離群，所以被逼一看再看三看。唉！

　　在我認識的朋友中，同一齣戲翻睇次數最多的（以正場買票入座計算，重映、電視播不計），是七次。齣戲是周潤發、狄龍、張國榮那套「英雄本色」。我地當佢黐左線。佢差不多背熟晒所有對白咁滯。

　　又試過睇戲買錯票。當時和朋友一起睇，買飛時無留意，原本想睇的那齣剛落了畫，入場後覺得有點奇怪，看到放着的「預告片」很長，足有十分鐘，而且交代了很多細節，不太像預告。直到有一位朋友忍不住說：「係咪買錯飛？」大家才開始察覺。雖然已經證實，但已付了錢，無奈地一直睇到完場。完場後負責買飛的我自必然遭受前所未有的大刑罸。當日原本想睇的是「暴走列車」，後來被逼看了的是「夜半仔敲門」，這齙戲的主角是當時一齣叫「飛天紅中俠」的電視配音片集的男主角，唔知大家有冇印象？地點是當時全港最大的戲院──麗宮。

　　一直以來，沒什麼機會看午夜場，印象中只有一次，那次是和弟弟去看的，是重映的李小龍的「龍爭虎鬥」。看完時感覺很不舒服，所以此後再提不起興趣。

而那間戲院在不久後也執笠了，那間戲院叫「葵芳戲院」。

　　看過的電影很多，但最有「罪疚感」的是一齣大陸的電影，叫「一塊銅錢」。還記得是老豆帶我去看的，地點是南華戲院，五點場。令我感罪疚的是那陣子家裏的經濟環境很差，飯也幾乎沒得吃，可是老豆竟花錢去看戲，還叫我不要告訴媽。回到家己見媽下了班，在廚房造飯，面色黑得很……

在我們小時候，幾兄弟因常生爭執，所以關係並不好，可以用完全無偈傾來形容（原來很多朋友也一樣，或許這是香港青少年的一大特色吧）。後來，到了我讀預科的日子，家中的氣氛緩和多了。曾是我最痛恨的大哥（因為每逢打架總是輸給他）約我一起看戲，於是找了一天待他下班去看，看的是一齣台灣片，叫「童年往事」地點是在灣仔，戲院在影藝附近，不記得叫什麼，只知它放映比較藝術，很快就摺埋。

(待續)

TOP

超人兄弟

光之巨人

超級版主

Rank: 8 Rank: 8

M78星雲光之國彩虹光隊隊長

13^# 大中小發表於 22-3-2010 22:19 只看該作者

引用:

原帖由 africanmonks 於 20-3-2010 23:12 發表講到睇戲，真係令人滿是感觸。先講戲票，從前的票是由人手畫位的，用的是紅色或藍色的顏色筆（很粗的，外表似鉛筆，寫出來的字却似蠟筆字）。我仲保留左二十多張，各位大大有興趣的話不妨回覆一下，我就Ｓcan ...

好o牙~我第一個報名有興趣!

thanks!

感謝 bro mythz 為我整這個印章
thank you so much!!

TOP

foureyesfatboy

減肥是對身體有害

版主

Rank: 7 Rank: 7 Rank: 7

四眼同肥都是唔健康...

14^# 大中小發表於 23-3-2010 19:38 只看該作者

引用:

原帖由 超人兄弟 於 22-3-2010 22:19 發表好o牙~我第一個報名有興趣! thanks!

有超兄出....點可以唔跟...何況有好野睇.

我們要把歷史留給下一代不是仇恨, 但不能讓步於不合理之下

TOP

超人兄弟

光之巨人

超級版主

Rank: 8 Rank: 8

M78星雲光之國彩虹光隊隊長

15^# 大中小發表於 23-3-2010 22:10 只看該作者

引用:

原帖由 foureyesfatboy 於 23-3-2010 19:38 發表有超兄出....點可以唔跟...何況有好野睇.

醒目仔的四眼肥哥!

感謝 bro mythz 為我整這個印章
thank you so much!!

TOP

ar_woo

版主

Rank: 7 Rank: 7 Rank: 7

16^# 大中小發表於 24-3-2010 00:26 只看該作者

引用:

原帖由 akaichoi 於 7-3-2008 12:23 發表年少既最愛就係睇戲時口含香煙等待文場時用"都彭"火機點煙,[叮................] 成場人都望過來,好有形!(少年時係咁覺得) 曾經.........."亞飛正傳"試過食左半包煙,因為套戲太靜同太悶.仲要無人睇,成間 ... 右手邊最近牆的一對男女,原來女的已坐在男的上面抽搐

中村雅俊懷舊區:
http://hk.myblog.yahoo.com/masatoshi-forever

TOP

超人兄弟

光之巨人

超級版主

Rank: 8 Rank: 8

M78星雲光之國彩虹光隊隊長

17^# 大中小發表於 24-3-2010 09:13 只看該作者

引用:

原帖由 ar_woo 於 24-3-2010 00:26 發表

o吾知係咪睇緊 '情不自禁 ' 套戲o尼??

感謝 bro mythz 為我整這個印章
thank you so much!!

TOP

011072

中級餅迷

Rank: 3 Rank: 3

18^# 大中小發表於 30-8-2010 01:27 只看該作者

讀中學時有次一枝公落荃灣『大光明戲院』早場睇豉油片
散場原來後面跟住嘅係體育阿sir
嚇到我雞咁腳走
阿sir原來教體育得閒都喜歡上吓生理堂

TOP

actionkamen

動感超人

超級版主

Rank: 8 Rank: 8

19^# 大中小發表於 30-8-2010 16:54 只看該作者

引用:

原帖由 011072 於 30-8-2010 01:27 發表讀中學時有次一枝公落荃灣『大光明戲院』早場睇豉油片散場原來後面跟住嘅係體育阿sir嚇到我雞咁腳走阿sir原來教體育得閒都喜歡上吓生理堂

哈哈，您令我想起我班同學經過銅鑼灣新都戲院，見到阿sir排隊買飛睇早場，其中一個想衝前叫佢，另一個拉住，話等阿sir買咗飛先叫，依家叫佢實唔認；最後阿sir買左飛，成班人衝前踏佢膊頭話：阿sir，睇早場呀！
返到學校仲大唱

TOP

ULTRA2020

Hello 我叫 “超人”

餅壇元老

Rank: 8 Rank: 8

超級手塚治虫迷歡迎交流 ~

20^# 大中小發表於 30-8-2010 19:20 只看該作者

引用:

原帖由 actionkamen 於 30-8-2010 16:54 發表哈哈，您令我想起我班同學經過銅鑼灣新都戲院，見到阿sir排隊買飛睇早場，其中一個想衝前叫佢，另一個拉住，話等阿sir買咗飛先叫，依家叫佢實唔認；最後阿sir買左飛，成班人衝前踏佢膊頭話：阿sir，睇早場呀！ ...

80年代中期，好像已沒有(另類)早場 ~ ?

TOP