從紅磡出發...台中范特喜(Fantasy)專區...再返紅磡!

之前$$大大提過黄埔街的時新漢堡飽在當地是很多人幫襯的,

http://oldcake.net/viewthread.php?tid=7039&extra=page%3D7

需然附近有間M記,但試過後要食漢堡都返時新買

呢間在網上都有人推介過它的漢堡包

而在時新附近,由黄埔街向必嘉街方向行(在紅磡俠醫斜對面)

有間'金源燒腊',(兩個地鋪)

佢嘅叉燒唔錯,尤其半肥瘦,趁暖暖地即食好有味道及彈性,

同區燒腊鋪义燒佢賣得相對貴.

時新傍邊有間小店，四川風味，一個月開舖，半個月休息，但一開舖便塞滿人，尤其理大宿舍班國內學生，話佢超級地道風味。

同一條街，金源兩間舖面夾住另一間四川店，兩間味道不同，但好辣之人人一樣喊地道，同樣一開舖便爆棚。因為一間重慶風味，一間川北風味，我唔識分，但自覺兩間都正！

仍然同一條黃埔街，過了馬路，行到街尾，一間越南小店，唔記得名字了，只有老細一腳踢，但街坊話已有廿年歷史，

偶然一試，大頭蝦及牛肉檬，都勝過老趙許多倍。不妨找找！

E~Eddmmyy兄住果度附近?

越南粉係近寶其利街?

你指時新傍那間雲南米線?

咁你一定知黄埔街右轉必嘉街報紙檔隔離間榮發粉麵?

口味也ok!

早前常要出入果區，

版主新近入紅磡搵食乎？

檔鮮牛麵ok...不過只幫襯過兩三次，印象普通！

越南粉的確是近寶其利街果邊，但名稱真的想不起了。

最近同事推介紅磡灣中心麥記斜對面間.....什麼烤全魚

我未試過，不過同事話好正，夜晚企滿人等位！

果檔粉麵間中有D藝人去食,有一次一入去就見到中國超人李修賢叫左碟淨牛腩+一碗魚疍河

烤全魚?有D咁嘅事?等我下次一探究竟先.

就在你話果度附近,即宝石大厦隔離,

有間食日本料理的三河屋,

店面細細,upupdupdup咁,

但每餐総是排長龍,

網上人氣爆棚,

下次試下睇下是否造馬!

人氣料理係鰻魚丼同関東煮.

呢間，我未試過，不過有時收工夜走經過，總會聽到有架仔ee哦哦，坐響門口吸煙，

如果可堆以引到日本仔幫襯，應該風味不差吧！

佢隔離開左間新食店.logo仲好似,

唔知係唔係同一老細開呢?

如果要懷舊feel,過對面馬路沿寶其利街行幾個鋪,

有一間文華o架啡冰廳,大概有30多年歷史

口味一般,但內裝無大变化,可有70's冰室feel

結業已超過廿載，一間完全不起眼的小店，由上海師傅「娘舅」主理，提供地道的上海街邊小食。

60、70年代的週日清晨，不少住九龍塘的上海大亨聚集在此小店進食早餐，大餅、油條、豆漿、粢飯、蟹壳黃；以懷念昔日童年居住在上海的時光。

我父親是其中一位，我只是陪客，亦常遇到大老闆周文軒、安子介、唐翔千(唐英年父親)等等。

現在早上想在九龍區食豆漿、粢飯，相信只有去紅墈必嘉街近寶來街，幫襯由福建大姐開的小型快餐店。

唉！往事只能回味。

luckyrat兄是上海人嗎?

999 小姐:-

愚兄是上海人，已移居溫哥華九年，希望五年內可回流；實在， I miss Hong Kong too much！

十分懷念寶勒巷大上海的「爛糊肉絲」，和金巴利道一品香的「生煎飽」，唔知兩店是否仍在經營？

提起「上海湯麵」，數年前，愚兄與老友麥先生(廣東人)旅遊上海，找遍整條/個 南京路、淮海中路(霞飛路)和盧灣區，都無法品嚐到一豌正宗上海製造的「上海湯麵」，只有雪菜肉絲麵。原來『港色』的上海湯麵，是五十年代由當時在香港的上海師傅所創造的，上海根本無此湯麵；哈哈，一笑置之。

luckyrat兄,你是在oldcake第一位稱呼小弟的餅友!

大上海是粵海到漆咸道之間那間吧?要拾幾級梯級而上的?!

小弟到上海也找不到上海粗炒麵,

因上海炒麵是用油麵干炒的,.......

正如到星加坡吃不到星洲炒米一樣!

江淅菜美味,想請教有一道菜名,

是用類似用蠶豆之類的豆類磿成糊狀,咸的,菜名是什麼?謝謝!

約四十年前,紅磡蕪湖街尾近'大廠'有間三六九上海菜館,而"橋家柵"還在,

記得嗎?附近還有一間百樂門影樓.

999兄:-

很抱歉兄所提及，用綠色蠶豆磿成糊狀(咸的)，其菜名我不太肯定，依稀記得可能叫「豆板？」； 請其他網友幫忙提供啦，謝謝！

其實這道菜亦是 one of my favourite，以前銅鑼灣「老正興」做得相當好，但每次去該店，我老友盧建華先生(五零年代香港最著名的上海小開)，都會點此菜；偶然我媽咪在夏天亦會煮，但我永遠無過問其菜名。「老正興」十幾年前搬去灣仔駱克道，已變為供應新派上海菜，脫離家鄉小菜風味。

「大上海」的確是在寶勒巷漆咸道轉角，要拾幾級梯級而上。

紅磡蕪湖街尾的「三六九」，大概三十年前去過一至兩次，而「喬家柵」我在移民前經常去，至於「百樂門影樓」則毫無印象；我只記得旺角西洋菜街的「百樂門戲院」。

$$兄咁以前火馬兄提過的生記滷味又如何?

介紹$$兄試下黄埔美國宝出來左轉,近樓梯那檔雞旦仔幾正,

外脆內軟,不妨一試!

luckyrat兄,經你的提示,該菜名想起了,應叫'豆板酥'是嗎?

該菜其貌不揚,但入口後與舌頭互相纏綿時卻發覺另有一番滋味!

到上海有否去試過張(生)記的老鴨湯?不錯吃!

有記起以前蕪湖街的金菊園(燒腊)飯店?

我指的百樂門是攝影影樓,並不起眼,但門外有一個長長的招牌!

呢間野唔簡單，之前無人做得耐，因為左右給金源夾死，

我曾經多口問金源肥老細點解當日唔租埋呢間鋪，佢話午市及下午茶由理工兩個地盤工人撐起，

完工後，可能唔夠生意。所以無要。

現在給酸竦麵口水雞殺出重圍，看來肥老闆應該好多晚訓唔著！

水準唔穩定，有時把幾火。

反而同一條街間海馬快餐，水準穩定，我地樓上樓下d姐姐仔都會叫外賣，唔駛食晏時出街逼。

「喬家柵」小菜已大失水準，但包點保持質素，個人認為是方圓三條街幾間同類上海包點中，最好的一間。

三六九？無印象，我明日返工打個電話番舊公司，問候下d阿姐，再探探風先。！

生記滷味

生記滷味都食過,不過水準一般,黄埔美國寶檔雞旦仔就未嘗過,蕪湖街尾果間"三六九"己經摺左,可能可能老闆夫婦太老了,而家做左泰菜,聽酸竦麵老闆話,鋪位係金源嘅,指定吾可以賣飯,但可以去金源買盒白飯入去食.