發現左罕見錄音.
佳視週刊 148期
1978年6月28日(星期三) 出版 Page 96
CTV's July 78 七月佳視之聲
動用百多位職藝員在各大碼頭免費派錄音帶
十多萬盒的錄音帶，將會依照「七月佳視」的宣傳計劃，派送給廣大 市民。
是項錄音帶派送計劃，由1978年6月30日 (星期五) 下午3時開始，在油蔴地小輪公司港內線碼頭，派送給每一位乘客。
http://hk.youtube.com/watch?v=1ixqgsHyW40
七月佳視 (Part 1)
佳視開臺歌： [輕輕鬆鬆你地收工，啱啱夠鐘我地開工。佳視與你相聚在家中。 ]
楊廣培：各位朋友，你地收聽緊既呢餅聲帶。
尹芳玲：係非賣品，數量吳多。裡便講既係
佚名：由七月一號起係佳視既節目動態、主題曲、藝員既聲音。
張生：七月佳視有好多新節目咩?
丁櫻：係呀！節目多元化，係我地既目標黎既
楊廣培：路線現代化。反映社會現實時代氣息
尹芳玲：充滿節奏感，同觀眾產生共鳴。
佚名：卡士(Cast)陣容龐大，節目精心製作架。
丁櫻：或者各位以前好少睇過佳視，甚至到冇睇過佳視。
楊廣培：但係由七月一日起，你地試下樓開佳視台，睇下佳視既新節目，或者有D你地鍾意都唔定架！
鄧碧雲：各位聽眾，你好, 我係鄧碧雲，我已經加入左佳視啦，仲係《佳視劇場》呢個長篇劇度做緊添，同我拍擋既呢, 就有電影界既朋友啦, 同埋電視藝員啦, 呢部長篇劇呢, 就叫做《名流情史》噃。我飾演既就係個位名流既太太，到時請你地一㩒佳視
個台呢, 就見到我架啦！
羅艷卿：各位, 好嗎！我係羅艷卿，吳駛幾耐同大家係《佳視劇場》就見面啦。 《佳視劇場》呢套《名流情史》內容非常之曲折.
鄧碧雲： 呢出戲, 唔錯架, 我好鍾意呀, 所以我突登介紹俾你地大家收睇既.
羅艷卿：希望各位到時記得收睇呀！比多的批評我地啦。
偉基舜 : .....
曹達華：各位朋友, 你好, 我係曹達華. 我參加《佳視劇場》拍《名流情史》, 呢部戲係好現實、好有人情味既。以後我仲會拍其它節目，多D同各位見面。拜拜！
男 : 《名流情史》既演員仲有白彪、米雪、黃錦燊、羅樂林、吳桐、盧愛蓮、黃植森、鄭裕玲、方盈、謝月美、文雪兒, 及數十位藝員, 卡士寵大, 佈景豪華, 故事更加曲折, 引人入性架. 逢星期一至五晚上七點五十五分播映，我地請你收睇！請你指教！
男 : 佳視有個好特別既劇場
女 : 叫做「推理劇場」
男 : 咩叫做推理呀?
尹芳玲：故事曲折縣疑，未到結局好難估到真相。 題材則重社會現實, 而且好有人情味既 .
狄波拉：「Hi! 各位朋友，你地好嗎? 我係狄波拉呀，仲記唔記得我呀？我好似離開左大家一段好短既時間，但對我感覺黎講就好似離開左大家好長咁，因為電視仍然係我最感興趣而又最鍾意既工作..........曲折奇情既故事，响《面具》裡面呢，我係比人恐嚇同勒索，而家呢我唔知報警好呢?定搵人保護我喎? 《面具》呢個節目每逢星期六同埋星期日晚上九點半播映。到時再見啦, 拜拜！」
楊廣培：《急先鋒》
尹芳玲：乜話？《急先鋒》？
胡燕妮：「冇錯！《急先鋒》係佳視一個好刺激既節目，亦我加入佳視既第一個節目，用私家偵探社做題材，我係老闆，兼任伙記，隨時要親自出馬，我仲有三個大男人小男人幫手添。」
佚名：你認吳認得佢呀？
尹芳玲：佢就係《急先鋒》既女主角：胡燕妮
胡燕妮：冇錯我係胡燕妮。胡燕妮做左《急先鋒》當初真係連我都吳知道。除左我既《急先鋒》外，我介紹另一個新節目《金刀情俠》比各位欣賞啦。
黃韻詩 : [無數扮相............]
余安安、魏秋華、遊天龍(臺灣省)、卡迪遜、陶敏明、鄭裕玲數十位影視紅星全副武裝同大家見面。
魏秋華：.......拍完《流星、蝴蝶、劍》以後........我地係《金刀情俠》裡邊再見面。
女 : 由七月開始, 逢星期六同埋星期日, 佳視提早喺三點同大家見面
男 : 喺星期六下午
男 : 播映《三零一部隊》 
女 : 呢支部隊首先係
楊廣培：《五勇士》!《大鐵人》! 
尹芳玲：然後係冬眠左三萬年之後, 突然復活既《冰河戰士》。
佚名：跟住就係天下無敵既《金剛飛天鑽》。
李龍基 : [啦啦啦, 啦啦, 啦啦啦啦啦, 衝鋒陷阱個衝.....]
女 : 佢專門對付受邪魔控制既機械人.
男 : 佢既總指揮係, 銀影俠、威仔，同Dodo呀！
[
本帖最後由 綠寶210 於 15-11-2008 14:58 編輯 ]
