引用:
原帖由 elvisyuen 於 11-5-2008 11:26 發表 
記得好似係1987年10月中首播 , 因為果時剛上深圳開荒 , 播第一集時剛收工回宿舍見隔離屋睇緊電視我就睇咗呢集.... 只記得梁朝偉一幫與任達華(?)一方係酒樓內衝特 , 場面好緊張
依場戲係新紮師兄續集第一集0既內容, 唔係第三集0既內容~~~點知第二日韓賓就做左杰佬頂頭上司!!
第三集第一集0既開頭係講杰佬帶班伙記去圍捕一班重犯一點知發生大火併..仲有勁激大爆炸場面!!
新紮師兄首兩輯真係好好睇, 可能因為首輯監製係招振強(第二輯係咪? 唔記得左) 第一輯對杰佬0既身世描寫得好好...令好多普羅大眾0既觀眾好有共鳴感~杰佬住唐樓, 老豆有二奶唔理自己兩母子, 中三之後讀書不成要為前路徬徨, 係一個好實在好有血肉0既角色. 當年睇完真係好有衝動咁大個做警察, 好似張偉杰咁. 唔係好似"學警雄心"咁..吳卓羲劇中家住千呎豪宅~~~一個亳無抱負同承擔0既臭寸青年, 做差人有什麼理由??? 或是搵個被傳係同性戀0既陳健鋒(唔好意思, 小弟真係接受唔到同性戀, 你話我歧視都好)做警察~~完全無說服力.
可惜第三集變成戚其義監製, 只係不斷喧染血腥暴力同三合會, 破壞了成個系列0既風格...
