另外我有個朋友有個故事, 我朋友個大舅返開夜間的士, 有一晚大約十二點至三點(時間唔太記得)送個客去到荃灣老圍, 之後開走, 途中見到有客截車, 係一個有紅色頸巾的女士(其他服飾唔記得, 只記得當時係夏天, 而佢的服飾和當時天氣不大配合), 咁個司機見有生意做咪停車俾佢上車, 上車之後冇耐, 司機望下個倒後鏡........ e......... 唔見咗個人.......... 咁但係個司機想可能冇街燈, 黑暗, 所以一時眼花..... 咁過了不久睇返, 見到返, 過了不久司機又望倒後鏡, 又見唔到......... 但個司機繼續開車, 之後又了一陣, 又望倒後鏡, 又見到佢坐係到...... 到這時候司機開始心驚......... 會唔會........ , 跟着又繼續開車去到石圍村條大天橋位址, 司機又再一次望倒後鏡, 點知又唔見個女乘客.......... 司機驚慌起來, 跟着撞咗去路邊石墩處, 之後係個倒後鏡見個女人個頭係後坐下面慢慢升上來流着兩行鼻血
, 司機大叫, 然後立即奪門向荃灣方向逃走, 走了約五十多米, 司機聽到後面遠處有一把充滿憤怒的聲音在罵, 司機一路跑一路偷偷向後望, 偷偷望了幾下後, e......... 好似係人喎........ , 跟着就係報警叫救護車, 警察來到調查, 笑到班警察死咁濟. 原來個女人係縮落後坐下面用兩隻手指挖鼻糞..... 所以個司機三次都見佢唔到, 而係第三次挖鼻糞時, 因為司機撞車關係, 兩隻手指直插入鼻孔, 因而兩行鼻血直流......
, 雖然事件都叫平安渡過, 但係可能心理負擔同陰影關係, 個司機過了不久就無再開夜間的士, 轉了行. 呢件事也成為了荃灣警察局內一件笑話........
[
本帖最後由 adamying 於 25-5-2008 10:47 編輯 ]
