一班80後為咗紀念歷來最多金句嘅特首小圈子選舉，將唐唐、狼振英兩位政治人物齊齊「塑膠化」，
變晒做身高7吋嘅人偶公仔。每個公仔都有播音功能，可以隨 機播出佢哋7句抵死金句。
設計者康天遠話，揀金句嗰陣喺網上做過投票，問咗50幾人，結果「金句王」唐唐是旦一句都夠贏 CY幾條街，
佢鬧 CY「你呃人」嗰句，得票率仲去到百分百；至於 CY句「雙非𠵱個名額係零」，都有唔少港爸港媽支持。
兩款膠公仔遲啲會喺動漫節面世，總共有4,000隻，每隻賣300蚊左右。康天遠仲話，
家做緊一隻 有錄音功能嘅限量版 CY公仔，準備送畀 CY，等佢錄低自己對香港人嘅承諾，有證有據唔好食言。
( 轉自蘋果日報 )
http://hk.apple.nextmedia.com/news/art/20120620/16441993
