歡樂今宵在80年代初有個單元叫《似模似樣》，更係扮當年的紅星好似鄭少秋、羅文、汪阿姐、Sam Hui、林子祥等。D參賽者跟現在殘酷一叮刻意搞笑唔同，當時佢地好認真地去扮，但可能那時冇卡啦OK，平均水準唔惦，走音，唔跟拍子，唔記得歌詞好常見，令當時還是小學生的我差些笑死。
我最深刻有幾次係超爆笑，扮阿Lam果次有條友唱《分分鐘需要你》都唔記得歌詞，一碌木咁企在台上硬晒鈦；另外扮阿Sam仲搞笑，四個參賽冇個似，唱《最佳拍檔》果個仲集唔跟拍子走音忘記歌詞于一身，個款仲十足咕喱。 扮汪明荃有個女人似足余慕蓮，睇到當時阿姐的男友何B頭拎拎.... 更早期扮梁醒波，有個阿伯直頭混吉，一味話我唔記得台詞。
好佩服當年果D評判好忍得住笑。看現在殘酷一叮那些刻意搞笑又jit都唔笑的，似模似樣好值得懷念。
