中級餅迷
芸娘 (1974)
苗金鳳, 陳振華 主演
近排亞視播映<芸娘>, 不如重溫下 1974年 無線翡翠劇場既 <芸娘> 主題曲:
http://hk.youtube.com/watch?v=Gj7EU--Zmgk
D歌詞好優雅.
查看詳細資料
TOP
高級餅迷
其實套戲都幾好睇....睇到眼濕濕...
我記得故事系浮生六記其中一part...
另外小學/中學有讀浮生六記....
減肥是對身體有害
版主
四眼同肥都是唔健康...
原帖由 fivefive55 於 17-12-2008 00:58 發表 其實套戲都幾好睇....睇到眼濕濕... 我記得故事系浮生六記其中一part... 另外小學/中學有讀浮生六記....
浮生六記書本中只是記得...余憶童稚時,能張目對日,明察秋毫xxxxxxxxx作青雲白鶴觀xxxxx. 沈三白好有想像力. d種人好情緒化.
餅壇元老
原帖由 foureyesfatboy 於 17-12-2008 04:06 發表 浮生六記書本中只是記得...余憶童稚時,能張目對日,明察秋毫xxxxxxxxx作青雲白鶴觀xxxxx. 沈三白好有想像力. d種人好情緒化.
浮生六記分六卷 : 一.閨房記樂,二.閒情記趣,三.坎坷記愁,四.浪遊記快,五.中山記歷,六.養生記消.
五六卷早曾失散,編偶在夜冷店尋得其手抄本,才可編成浮生六記,我們多知其一三卷,拍成電影不少,電視除 tvb 陳振華版,麗的/亞視也拍過兩次.
近代"芸娘"一詞經地鐵職員口中發揚光大.....
原帖由 fivefive55 於 18-12-2008 14:25 發表 近代"芸娘"一詞經地鐵職員口中發揚光大.....
此話何解?
講返套劇, 年代久遠, 實在無咩印象. 只知道 芸娘 係戲入面經常比家婆及一眾是非人欺負. 總之好慘. 苗金鳳 演呢類角色可謂得心應手, 佢由黑白粵語片至70s電視劇都係擅長做呢類苦情戲角色. 反而近10多年來改變了戲路, 有時仲會扮演惡毒富太.
原帖由 Blade 於 18-12-2008 15:36 發表 此話何解? 講返套劇, 年代久遠, 實在無咩印象. 只知道 芸娘 係戲入面經常比家婆及一眾是非人欺負. 總之好慘. 苗金鳳 演呢類角色可謂得心應手, 佢由黑白粵語片至70s電視劇都係擅長做呢類苦情戲角色. ...
有一陣曾流行過一句話:"慘過做芸娘"
我都唔係好記得....只記得苗金鳳身患 9 級肺癆咁....咳到死下死下....一咳就食茶 (等我果時細個以為飲茶止咳....又學佢飲茶...點知原來係唔掂 !!!) , 終於窮到茶都冇錢買...要飲水咋....勁慘 !!!!!
地鐵車箱好多時有些女性因擠迫而身感不適想暈暈暈~~~那麼旁人或朋友會按動車箱緊急對講機向司機求助...司機會通知月台職員帶著救護工具及輕便座椅到某段車箱援助事主...很多時事主都系走出車箱,坐下休息一會就無事....當時地鐵月台職員收工時會跟同事戲謔,說"今次車站突然有很多個芸(暈)娘"
小餅迷
原帖由 袖子 於 23-12-2008 22:47 發表 苗金鳳都係一個好有古典味的女子，不過我覺得d觀眾好似遺忘咗佢！
苗金鳳 1962年已開始拍電影. 相信比無線70s花旦如 阿姐 及 芝芝姐 更早出道.
佢70s拍無線劇集亦大多做主角. 不過踏入80s後好似已經消失於影視圈. 也難怪觀眾好似遺忘咗佢. 90s 後又間中演下劇集. 且戲路來一個大變身, 由70s 那個楚楚可憐的芸娘, 90s後偶爾扮演巴辣,惡毒, 不可理喻的中年潑婦角色. 角色不討好而且不吃重, 過渡成了一位稱職的甘草演員.
http://www.hkmdb.com/db/people/view.mhtml?id=3104&display_set=big5
http://www.louiebeauty.com/issue64/ent
http://www.review33.com/avforum/forum_message.php?topic=99050613222751&page=154
